Sportistët e kombëtares së Zimbabve në regby e kanë kaluar natën e mbrëmshme në rrugët e Tunizisë, pasi hoteli ku ata duhej të akomodoheshin për ndeshjen kualifikuese të Botërorit ndaj kombëtares vendase ishte në kushte skandaloze. Sipas delegacionit mik, kushtet e hotelit ishin të një niveli ordiner, duke vendosur që më mirë të flenë në rrugë, në shenjë proteste.
Federata Afrikane e Regby, që është përgjegjëse për këtë organizim, ka kërkuar ndjesë për situatën e pakëndshme që u krijua, duke ndërhyrë dhe tashmë skuadra e Zimbabve është akomoduar prej disa orësh në një hotel tjetër, në zonën e Beja.
Khaled Babbou, përfaqësues i Federatës Tuniziane të Regby, u shpreh se kjo situatë e krijuar nuk kishte aspak për qëllim që të krijonte probleme te skuadra mike, ndërkohë që sfida mes dy vendeve do të zhvillohet ditën e shtunë, në Beja. Ky qytet është rreteh 100km larg kryeqytetit Tunis, ku duhej të ishte akomoduar fillimisht kombëtarja e Zimbabve.
