Që të jesh një futbollist i mirë përveç cilësive futbollistike duhet të zotërosh dhe një cilësi tjetër … dhëmbët. Po, po është ky vendimi i pazakontë që merr zakonisht trajneri kosovar Bylbyl Sokoli.
Sokoli e ka vazhduar praktikën e ‘dhëmbëve’ edhe te skuadra e Llapit. Sikurse edhe në të kaluarën te ekipet tjera, Sokoli ka urdhëruar futbollistët e Llapit që të shkojnë tek dentisti për të shikuar gjendjen e dhëmbëve.
Ndërkohë, ata që kanë pasur probleme të tilla, është dashur t’i evitojnë për të vazhduar me ekipin. Kjo praktikë e Sokolit ka qenë prezente në secilin klub që ai ka qenë.
Kjo bëhet me qëllim të shëndetit të futbollistëve që do të reflektonte edhe në ndeshje.
