Marco Fassone foli për mikrofonin Sky Sport në fund të seancës pranë TAS në Lausanne. Sot ishte dita e apelimit kundër vendimit të UEFA-s që përjashtonte ekipin kuqezi nga Europa League.
Këto janë fjalët e Drejtorit Ekzekutiv të Milanit: ‘’Ka qenë një ditë intensive, kemi qenë këtu që prej orës 9.30. Juria i dëgjoi me kujdes palët, kemi raportuar çdo gjë me detaje. U shqyrtuan aspektet e biznesit, aspektet financiare dhe ato ligjore. Juria i ka të gjitha elementet për të gjykuar në mënyrën më të mirë. Mendoj se ne kemi bërë të pamundurën.
Ne jemi përpjekur të përmbledhim gjithçka që është e mundur në aspektin e mbështetjes ligjore dhe të ekspertëve. Prania e Tuil na dha mbështetje të rëndësishme përsa i përket argumentimeve që i kemi paraqitur UEFA-s. Prania fizike, tashmë që kemi një ndryshim të aksionarëve, është e rëndësishme. Ne presim që vendimi të mbërrijë nesër rreth orës 12″.
