Në një video të postuar nga radio televizioni zviceran RSI, është ish-trajneri i Kombëtares shqiptare. Xhani De Biazi i cili edhe pse në një valë të nxehtë të Botërorit, ka zgjedhur të ndërrojë pak vëmendjen e gjithë publikët.
De Biazi bën një përzgjedhje të 11-shes së tij ideale, ku nga porta fillon padyshim me Bufon, për kapacitetet dhe eksperiencën e tij. Në mbrojtjen me katër, bëjnë pjesë Maldini e Kafu nga krahët, si dhe Ramos e Pike në qendër.
Mesfusha përbëhet nga Pirlo, Ksavi dhe Iniesta, ndërsa krahët e sulmit janë “pronë” e dy fituesve 5-herë të Topit të Artë, Kristiano Ronaldo dhe Lionel Mesi. I vetëm në majën e sulmit, legjenda holandeze, Van Basten, një talent i jashtëzakonshëm për De Biazin.
“Mëkat që nuk e kam pasur një skuadër të tillë” – thotë me shaka De Biazi në fund, por ai shpreh edhe keqardhjen për faktin se nuk ka zgjedhur lojtarë si Pele apo Maradona, duke dashur të përfshijë lojtarë nga vitet e fundit.
{“videoid”:”1530716181459″,”type”:1,”ratio”:0.75}
