Thomas Strakosha është duke punuar i diferencuar për të kapur ritmin e shokëve dhe ditën e djeshme ka bërë stërvitje, edhe pse e gjithë Lacio e kishte pushim. Portieri shqiptar kërkon të jetë në formë sa më shpejt që të mos ketë asnjë problem në nisjen e sezonit të ri.
Krejt ndryshe është situata e Etrit Berishës, i cili pasi bëri një sezon të mirë me Atalantën, tani e sheh veten në merkato. Skuadra e Lilës ka shfaqur interes për të, por bluzinjtë duan 5 deri në 7 milionë për ta lënë të lirë. Ai duhet të gjejë patjetër një zgjidhje, sepse në të kundërt rrezikon të qëndrojë në stol në Bergamo, pasi titullari do të jetë Golini.
