Eliminimi nga Kampionati Botëror “Rusia 2018”, duket se nuk është pritur edhe aq mirë në Zvicër, e sidomos nga mediet helvetike.
Humbja e Zvicrës nga Suedia ka ngjallur shumë reagime nga opinionistët zviceran dhe gazetat e ndryshme fajësonin mesfushorin me prejardhje nga Mitrovica, Valon Behrami, për këtë humbje.
Shumë gazetarë kanë kritikuar futbollistët e Kombëtares, në veçanti ata me origjinë shqiptare, mirëpo një shkrim i Mathieu Aeschmann nuk i ka pëlqyer aspak Valon Behramit.
Duke komentuar në postimin e tij, mesfushori shqiptar ka reaguar duke i thënë gazetarit Mathieu Aeschmann, që t’i shikojë punët e veta.
