Për mbrojtësin Mici të Skënderbeut dilemat janë shumë të mëdha në këtë merkato. Në kohën që flitet për një qëndrim te Skënderbeu, lojtari deklaroi se mbetet gjithmonë në kërkim të një ekipi të huaj. Ai nuk ka përmendur ndonjë informacion për kalimin te Flamurtari, por theksoi se gjendja e vështirë në të cilën ndodhet Skënderbeu e shtyn që të shikojë larg vendit.
“Po deri tani mbetem me synimin për të kërkuar një lëvizje jashtë Shqipërisë. Nuk ka diçka të saktë sepse për një ose dy ditë mund të them diçka konkrete se pres përgjigje. Por që situata te Skënderbeu është e vështirë në këtë gjendje që ka arritur. Por gjithmonë dëshirën për këtë sezon e kam jashtë Shqipërisë”, u shpreh mbrojtësi Mici.
