Përgatitjet në kampin durrsak po vijojnë normalisht, ndërkohë që trajneri Bledi Shkëmbi së bashku me stafin teknik dhe drejtuesit e klubit po punojnë për të formuar grupin e lojtarëve për sezonin e ardhshëm.
Reparti i cili mësohet se ka nevojë për ndëryrje emergjente është ai i sulmit. Pikërisht një sulmues i dalluar ka ardhur në provë te durrsakët. Bëhet fjalë për Boubakar Traore, sulmues qendre që ka qenë pjesë e U-19-s së Torinos.
20-vjeçari ka qenë pjesë e klubit të Tuttocuoio në Serie C në Itali. Skuadra e fundit ku senegalezi ka luajtur ka qenë Tarxien në Maltë, ku ka shënuar 1 gol në pesë takimet që ka luajtur. Ai shihet si një lojtar potent dhe që premton shumë. Fjala e fundit do të jetë e trajnerit i cili do të vendosë për të ardhmen e 20-vjeçarit pasi të kenë mbaruar ditët e provës për të në Durrës