Yerri Mina i shtangu të gjithë anglezët me golin e barazimit në fundin e takimit kundër “tre luanëve” duke e çuar sfidën në shtesë e më pas në penallti ku kolumbianët u treguan jo të saktë.
Megjithatë paraqitja me kombëtaren në Botëror ka lënë shumë mbresa, me 23-vjeçarin që realizo 3 gola në katër ndeshje me Kolumbinë, pavarësisht rolit si mbrojtës. I transferuar te Barcelona në janar të këtij viti, ai nuk ka gjetur shumë hapësira te katalanasit dhe largimi i tij nga Spanja mund të jetë një opsion i mundshëm në këtë merkato vere.
Për këtë tashmë ka interesime konkrete nga Anglia, me Everton që është gati të bëjë dhe një ofertë zyrtare në ditët në vijim.