Në një intervistë dhënë për “Mediaset”, presidenti i FIFA, Gianni Infantino, analizoi Kupën e Botës së zhvilluar në Rusi, të porsapërfunduar. Kreu i institucionit më të lartë futbollistik deklaroi se ky ishte Kampionati Botëror më i mirë në histori: “Nuk jam objektiv, por sipas meje, kjo ishte Kupa e Botës më e mirë në Histori”.
Gjithsesi Infantino ka çuditur më shumë me atë që sipas tij kishte dhënë sinjalet se do të fitonte trofeun: “Pas ndeshjes kundër Portugalisë, u thash miqëve të mi se Spanja do të ishte Kampionia e Botës. Më pas ata u mposhtën me penallti nga Rusia, por Spanja ka futbollistë, ekip dhe gjithçka për tu rikthyer te rezultatet e mira. Në këtë Botëror, VAR ishte gjëja më e mirë”.
