Arlind Ajeti nuk është më një lojtar i Torinos, por i lirë dhe në pritje të firmës me një skuadër të re. Nga sa bëhet me dije në “toro.it”, shqiptari ka arritur marrëveshjen me “granatat” që të ndërpritet kontrata, e cila vijonte deri në fund të sezonit 2018-2019. Nga sa vijon sajti në fjalë, shqiptari përfitonte përafërsisht 260 mijë euro në sezon, së bashku me komisionet për menaxherin.
Tashmë, mbrojtësi shqiptar shihet fare pranë ribashkimit me Krotonen në Serinë B, e cila ka qenë e gatshme prej ditësh të nënshkruajë me të, në rast se Torino do ta linte si futbollist të lirë dhe në Itali e raportojnë si çështje orësh.
