Mesut Ozil dha dje lajmin për largimin nga Kombëtarja Gjermane me anë të një letre të hapur të postuar në “Twitter”. Lojtari me origjinë turke tha se nuk e duron dot racizmin dhe mosrespektimin. Kështu ai vendosi ta lëri Gjermaninë.
Shkak për kritikat ndaj Ozilit u bë fotoja që ai bëri me “diktatorin” siç e quajnë në Gjermani, presidentin e Turqisë, Rexhep Taip Erdoganin. Largimi i tij bëri që Omar Momani i “Goal.com” të realizojë një karikaturë ku duket Ozil i zhveshur nga fanella e Gjermanisë dhe e lë pas shpinës atë bashkë me Kupën e Botës.
