Trajneri i ri i Bajernit të Mynihut, Niko Kovac ka konfirmuar se Jerome Boateng dhe Robert Lewandowski nuk do të largohen nga kampionët aktual të Gjermanisë.
Kovac është prezantuar si trajner i Bayernit këtë të hënë dhe menjëherë është pyetur për dyshen në fjalë të cilët kanë qenë të lidhur për një kalim të mundshëm te Juventusi.
“Boateng? Ai do të qëndrojë me ne. Unë kam biseduar me të”, tha Kovac.“E kam trajnuar vëllain e tij në Frankfurt dhe ndjehem aq mirë me Jerome po aq sa me Kevin Prince”.
“Lewandowski? Ai ka një kontratë me Bayernin deri në vitin 2021 dhe do të qëndrojë sepse ai është pjesë e rëndësishme e klubit tonë”.
