Përballje interesante do të prodhojë sfida e çerekfinales së Kupës së Botës, ajo mes Suedisë dhe Anglisë. Dy skuadra që nuk do të kenë në dispozicion nga një lojtar për secilin formacion, ku Lustig nuk është i gatshëm për Janne Andersson dhe Vardy për Gareth Southgate.
Anglia që kaloi me vështirësi kundër Kolumbisë, ndërsa Suedia kaloi me një gol ndaj Zvicrës, e cila kuotohej favoritë, do të krijojnë një përballje interesante ditën e sotme. Ndeshje që do të dhurojë emocione, për vetë faktin se suedezët duan që të hyjnë në histori, ndërsa Anglia dëshiron që ta përsërisë atë. Është ora e së vërtetës, në “Samara Arena” do të diskutohet gjithçka.
