Simeone Inzagi vendosi të mos rinovojë kontratën dhe Lacion dhe do të ushtrojë profesionin e tij te rivakët e Interit.
Në këtë situatë drejtuesit e Lacios kanë nisur nga puna, për të gjetur trajnerin e ri për sezonin e ardhshëm. Sipas asaj që raportojnë mediat italiane, për stolin është zgjedhur trajneri aktual i Marsejës, Andres Villas Boash. Ky i fundit pëlqehet shumë nga presidenti Klaudio Lotito, me të cilin do të ketë një takim në orët e ardhshme. Gjasat janë që një marrëveshje mes palëve të arrihet dhe trajneri portugez të marrë drejtimin e Lacios.
Boash ka pasur një karrierë të pasur si trajner, teksa ka fituar 8 trofe me skuadrat që ka drejtuar. Plot 4 trofe i fitoi me Porton në sezonin 2010-2011, ku mori Europa Ligën, kampionatin, Kupën dhe Superkupën e Portugalisë. Gjithashtu me Zenitin në Rusi, ka fituar kampionatin, Kupën dhe Superkupën dhe gjithashtu ka fituar Superkupën e Francës me Marsejën, vitin e kaluar.