Liverpul është shumë afër zyrtarizmit të portierit Brazilian të Romës, Alison Beker. Por sipas mediave angleze, Liverpul nuk do të ndalet me kaq në këtë merkato vere. Ata tashmë janë hedhur në sulm për të marrë lojtarin e Kroacisë që shkëlqeu në Botëror, Domagoj Vida. Sipas “Turkes Fanatik” klubi anglez ka bërë një ofertë konkrete për lojtarin.
Plot 25 milionë euro kanë ofruar drejtuesit e klubit për ekipin turk, Beshiktash. Ndërkohë një zëdhënës i klubit turk me anë të një lajmërimi thotë: Kemi marrë oferta për Vida-n dhe jemi duke i konsideruar por kjo nuk do të thotë se ai do të largohet përfundimisht”.“Çdo lojtar ka çmimin e tij, por do të marrim një vendim përfundimtar në ditët e ardhshme”.
