Një detaj interesant u vu re nga kamerat dhe tifozët në ndeshjen mes Anglisë dhe Belgjikës për vendin e tretë në Botëror. Mbrojtësi i “tre luanëve” Deni Rouz kishte veshur çorape të mbushura me vrima, dhe askush nuk ishte në gjendje të gjente një shpjegim bindës për këtë gjest.
Gjithsesi kaq ka mjaftuar që kjo të bëhet një objekt masiv talljeje në rrjetet sociale, ndërkohë që disa kanë aluduar që ky është një marifet për të ndihmuar qarkullimin e gjakut në muskujt e këmbës.
