Legjenda Diego Armando Maradona nuk i ka kursyer sërish kritikat në adresë të kapitenit të kombëtares së Argjentinës, Sergio Ramos. Edhe pak ditë më parë, ai pat thënë se mbrojtësi i Realit dhe kombëtares spanjolle nuk mund të jetë lider, gjë që e ka konfirmuar sërish sot. “Nëse Ramos ka mbetur i fyer nga deklarata ime, i kërkoj ndjesë”, tha Maradona.
Më tej, argjentinasi tha: “Pavarësisht kësaj, ideja ime për të nuk ndryshon. E pranoj që është një lojtar i mirë, por jo një lider. Ai mund të bëhet i tillë, por për momentin nuk është ende lider. Për mua nuk ka rëndësi se çfarë thonë njerëzit, pasi unë vazhdoj t’i them lirshëm idetë dhe mendimet e mia”, deklaroi Diego Armando Maradona.
