Rivaliteti në botërorin e Moto GP midis pilotit spanjoll Marc Marquez dhe atij italian Valentino Rossi ka frymëzuar kampionin e botës të Honda që të bëjë një krahasim mes këtij rivaliteti dhe atij mes Leo Messi e Cristiano Ronaldo në futboll.
“Messi e Ronaldo janë shumë të fortë. Po kështu ndodh edhe mes meje dhe Valentino, që duelojmë fort për fitore në çdo garë. Ky rivalitet i bën mirë kampionatit tonë. Valentino është i jashtëzakonshëm edhe pse 39 vjeç. Ende nuk e kuptoj se si ia del mbanë”, tha Marquez.
