Tek kombëtarja e Argjentinës të gjithëve po i përforcohen bindjet se rolin e trajnerit dhe përzgjedhësin e listës së lojtarëve, e bën Leo Mesi, dhe jo trajneri. Diçka të tillë, e ka deklaruar edhe ish-mbrojtësi i Romës dhe Interit, i cili shprehet se që pas nëj grindjeje me Mesin, nuk u grumbullua më me ekipin kombëtar.
“Ka qenë një ndeshje Argjentinë-Kolumbi, e cila përfundoi 0-0. Ai u nervozua shumë për një top që nuk ia pasova. Shkuam të sqarohemi dhe në një moment po afrohej, aq sa mendova se do të përdorte duart, por shokët nuk lanë që sherri të agravonte. Më pas sqaruam gjithçka, por që nga ai moment unë nuk u grumbullova më në kombëtare, ndonëse luaja në Serinë A, me Romën.” – tregon Burdiso.
