Në atë që është pagëzuar si dita e Cristiano Ronaldo-s tek Juventus, nuk mungojnë zërat për lëvizjet e tjera të mundshme që bardhezinjtë mund të bëjnë në merkato.
Një nga emrat më të përmendur në këtë merkato të çmendur vere ka qenë ai i Paul Pogba. Një operacion shumë i vështirë, por jo i pamundur, siç ka treguar blerja e CR7. Ndërkohë, ka menduar Blaise Matuidi për të ndezur ëndrrat e popullit bardhezi me një lidhje direkte në Instagram.
Ai ka thirrur pranë vetes Pogba dhe i ka thënë: “Mos harro të vish tek Juventus”. Në këtë pikë, ylli i United është përgjigjur duke thënë: “Ooooo, Zonja e Vjetër, Zonja e Vjetër…”. Fjalë që nuk përfaqësojnë një të dhënë për merkaton, por që gjithsesi kanë ndezur entuziazmin e tifozëve.
Në fillim duhet bindur Mourinho dhe United për një operacion me kosto rreth 60 milionë euro, që do ta shtynte Juventus të sakrifikonte disa lojtarë të ekipit, si Khedira dhe Alex Sandro, të cilët pëlqehen nga trajneri portugez.
Matuidi e Pogba 😍😍 #pogback #juventus pic.twitter.com/2QYr93KEEB
— Nathan Abela (@NathanAbela) July 15, 2018