Cristiano Ronaldo është gjithnjë dhe më afër Juventus-it. Lajmi i fundit në lidhje me kalimin te bardhezinjtë i CR7 ka ardhur përsëri nga emisioni spanjoll, “El Chiringuito de Jugones”.
I dërguari në Torino i “El Chiringuito” ka zbuluar një prapaskenë interesante në lidhje me darkën e konsumuar të premten mes Andrea Agnelli-t dhe zëvendës presidentit Pavel Nedved.
Kamerierit që i ka kërkuar lajmë në lidhje me Ronaldo-n, presidenti i Juventus i është përgjigjur: “Shumë shpejt do të mbyllet gjithçka”. Një tjetër sinjal i besimit që ekziston brenda kampionëve të Italisë, gati të mbyllin operacionin e shekullit falë regjisë së Jorge Mendes.
