Pas përfundimit të aventurës së tij të parë, fatkeqësisht të dështuar, pasi nuk fitoi një vend titullari në formacionin e Sampaolit me Argjentinën në Rusi, Paolo Dibala po kalon pushimet me të dashurën e tij të re, Oriana Sabatini.
Sulmuesi i Juventusit ka zgjedhur bregdetin e bukur të ishullit grek, Mikonos, për të kaluar disa momente romantike dhe relaksuese me partneren e tij.
Pasi i dha fund lidhjes disavjeçare me modelen argjentinase, Antonela Kavalieri, ai ka gjetur menjëherë ngushëllim te një tjetër modele. Nuk ka vonuar që ta bëjë publike lidhjen me të, pasi të dy, si Oriana dhe Dibala, kanë publikuar foto së bashku në profilet e tyre përkatëse në “Instagram”.
Ndërkohë Dibala është fotografuar nga paparacët duke iu bërë foto të pasmeve të së fejuarës së re. Fotoja e tij u shpërnda menjëherë në rrjetet sociale.
