Kalimi i Thibaut Courtois te Real Madrid mund të zyrtarizohet në mbrëmjen e sotme ose në mëngjesin e nesërme, sipas asaj që bën të ditur shtypi spanjoll.
Belgu ka edhe 12 muaj kontratë me Chelsea dhe londinezët do të jenë të detyruar të pranojnë rreth 35 milionë euro të ofruara nga Real, për të mos e humbur me parametër zero në fund të sezonit të ardhshëm.
Portieri i ka thënë drejtuesve “blu” se do të largohej, që para fillimit të Botërorit në Rusi.
Krahas tij, Real mund të marrë edhe Hazard, duke iu referuar pikërisht fjalëve të Courtois: “Unë dhe Hazard do të vazhdojmë të jemi shok ekipi në klub dhe në kombëtare. Kjo është përshtypja ime. Tani jemi me pushime, por besoj se do të takohemi së shpejti për të nisur fazën përgatitore.”
Courtois ka luajtur më parë në La Liga për tre sezone, si portier i Atletico Madrid.
