Kristiano Ronaldo u largua nga klubi i Realit të Madridit në drejtim të Juventusit dhe kështu ka prishur një statistikë të veçantë te klubi spanjoll. Për herë të parë pas 18 vitesh skuadra e “Los Blancos” do ta nisë sezonin e ri pa një lojtar që e ka fituar të paktën një herë çmimin e “Topit të Artë”.
Kjo statistikë ka filluar që në vitin 2000 ku lojtari që e kishte fituar ishte portugezi tjetër Luis Figo. Më pas këtë traditë e vazhduan Ronaldo fenomeni, Kaka, Fabio Kanavaro e deri për të mbërritur të dominimi i Ronaldos.
