Futboll La Liga Sport

Ofertë nga Greqia për Sadikun, ja klubi që e kërkon me ngulm!

Pas Kristi Vangjelit i cili mbajti veshur për shumë vite fanellën e Aris në Superligën greke një tjetër futbollist i kombëtares shqiptare mund të bëhet pjesë e klubit selanikas. Sipas asaj që raportojnë mediat greke dhe më konkretisht novasports.gr, Armando Sadiku po ndiqet me vëmendje nga klubi i sapongjitur në elitën e futbollit helen.

Drejtuesit e Aris kërkojnë të përforcojnë skuadrën me një sulmues cilësor në këtë merkato për të përballuar me sukses kampionatin grek dhe sipas tyre Sadiku ka profilin e duhur për të mbajtur mbi shpatulla peshën e sulmit të skuadrës. Në të shkuarën për Sadikun është interesuar edhe Panathinaikos por marrëveshja nuk u konkretizua.

Lojtari i përfaqësues kuqezi me shumë gjasa do të largohet nga Levante në këtë merkato por problemi për Arisin qëndron te fakti se në drejtim të 27-vjeçarit nga Cërriku kanë mbrritur një sërë ofertash dhe në pole-position për momentin për të marrë shërbimet e Sadikut qëndron skuadra e Superligës turke Rizespor. Mbetet për t’u parë se çfarë do të vendosë Sadiku për të ardhmen e tij por Aris është një opsion i shkëlqyer.

Related posts

Panik te Arsenali dëmtohet mesfushori Henrikhe Mkhitaryan

Sadik.Autor

MIQËSORE/ Inzaghi e nis me barazim aventurën tek Inter, “Zikaltërit” barazojnë me Luganon

Delo.autor

KA EDHE KËSHTU/ Formacioni më i mirë i Holandës? E tregon një TIFOZ me…tatuazh

Isa.Autor

Leave a Comment