Michy Batshuayi ka pranuar se ai ka thyer një rregull të klubit te Chelsea, gjatë kohës që nuk ishte në planet e trajnerit Antonio Conte.
Sulmuesi i huazuar nga Borussia Dortmund ka zbuluar se ai luante mini-futboll si e vetmja mënyrë që e bënte të ndihej mirë dhe i lirë shpirtërisht gjatë periudhës stresuese që kaloi në “Stamford Bridge”.
24-vjeçari shkon deri aty sa thotë: “Do të kisha vdekur nëse nuk do të luaja mini-futboll në Londër”.
“Klubi nuk na lejonte, por unë luaja shpesh mini-futboll sepse po mos e kisha bërë diçka të tillë do të kisha vdekur. E sfilitja veten duke luajtur 1 ose 2 orë në salla të mbyllura dhe fshehurazi me disa miq. Ishte e vetmja kënaqësi që më bënte të ndihesha mirë dhe i lirë…”
Batshuayi ka shënuar 8 gola në 12 ndeshje me Borussia Dortmund dhe ka garantuar një vend te kombëtarja e Belgjikës që do të luajë në Kupën e Botës 2018, ndërsa dy sulmuesi e Chelsea, Alvaro Morata dhe Olivier Giroud kanë shënuar vetëm një gol që kur ai u largua nga ekipi i Conte.