Diego Armando Maradona ka befasuar në lidhje me parashikimin e fituesit të Botërorit. Ai në një intervistë të fundit të tij teksa ka deklaruar se Brazili do të shpallet kampion bote. Për kanalin venezuelian “Telesur”, nuk i ka kursyer fjalët e mira si për “seleçaon” ashtu dhe trajnerin Tite. Ai ekzaktësisht deklaroi:
“Brazil-Meksikë më pëlqeu, ishte një ndeshje e bukur. Pashë një Seleçao shumë solid, në gjendje të fitojë Kupën e Botës. Më pëlqen shumë Tite si trajner, sepse di ta vendosë mirë skuadrën në fushë. Sulmuesit brazilianë dhe ata 4 që janë pas tyre, janë forca e vërtetë: dinë ta luajnë topin, të vertikalizojnë, të sulmojnë të gjithë bashkë”.
