Kastrioti vazhdon normalisht përgatitjet për sezonin e ri. Krutanët po kryejnë fazën përgatitore në Pukë dhe më pas do të udhëtojnë jashtë shtetit. Në lidhje me merkaton klubi synon të rikthejë shtatlartin kroat Pero Pejiç, por veterani i sulmit nuk ka dhënë asnjë përgjigje konkrete duke lënë çdo gjë pezull.
Një tjetër problem më me rëndësi është gjendja e stadiumit”Ismail Xhemali” ku klubit i kanë mbetur shumë pak kohë për të riparuar ambjentet brenda stadiumit. Problemi infrastrukturor mund t’i rëndojë shumë skuadrës e cila detyrohet të zhvillojë takimet në fushë tjetër nëse nuk rehabilitohet në kohë stadiumi.
Por drejtuesit e klubit krutan kanë insistuar se çdo gjë do të ezaurohet brenda afatit të vendosur nga FSHF-ja. Ata kanë pranuar se do të rinovojnë pjesërisht stadiumin duke përfshirë tribunën qendrorem sallën e mediave dhe dhomat e zhveshjes.
