Ekipi i Napolit ka marrë një trajner të madh në stol dhe duket se tashmë kanë ndërmend që të bëjnë një blerje të madhe. Të paktën këto kanë qenë fjalët e presidentit të napoletanëve, Aurelio de Laurentis. Por duket se këto fjalë kanë shumë kohë qe po thuhen dhe nuk ka ende asnjë gjë konkret dhe kjo qetësi i ka mërzitur tifozët e ekipit italian të cilët janë ngritur kundër De Laurentisit.
Ata reaguan duke vendosur banera në qytet me mbishkrime si: “E vërteta është se je një i çmendur, gënjeshtra është se je një president i vërtetë. De Laurentis palaço”, “Çfarë ylli premton… Je vetëm një palaço. Mbetesh gjithmonë ti, makuti i zakonshëm!”. Ndërkohë që disa të tjerë i kanë shkruajtur: “Më mirë kinezët se ata me goditje në tru”- duke e shprehur hapur pakënaqësinë e tyre për predientin De Laurentis.
