Diego Armando Maradona është presidenti i ri i skuadrës së Dinamo Brest, që aderon në divizionin e parë të kampionatit bjellorus, fituese e dy kupave kombëtare dhe një superkupe. Pasi lajmi ishte zyrtarizuar që në mesin e muajit maj, sot, legjenda argjentinase ka mbërritur në selinë e klubit, për të nisur zyrtarisht aventurën e tij të re. Për shkak të miqësisë mes Maradonës dhe Putin, marrëveshja mes palëve ishte arritur në mënyrë shumë të shpejtë.
Sikurse kishte premtuar, Maradona e ka nisur aventurën e tij menjëherë pas përfundimit të Kupës së Botës në Rusi. Ish-yllit të Napolit dhe Argjentinës i është rezervuar një pritje mbretërore sot në Bjellorusi. “Oferta bjelloruse ishte vëretë e pamundur të refuzohej dhe jo vetëm në aspektin ekonomik, por edhe atë sportiv”, patën deklaruar në momentin e arritjes së marrëveshjes, përfaqësuesit e El Pibe de Oro.
