FIFA i ka dhënë një paralajmërim mbrojtësit Domagoj Vida për sjelljen e tij pas ndeshjes me Rusinë, por mbrojtësi i Kroacisë është i lirë të luajë kundër Anglisë në gjysmëfinale të Kupës së Botës.
Qendërmbrojtës kroat u hetua nga organi qeverisës i futbollit botëror mbi komentet që ai bëri në një video në mediat sociale pas fitores në çerekfinale të Kroacisë ndaj Rusisë.
Duke dalë së bashku me ish-lojtarin e Kroacisë, Ognjen Vukojeviç, me të cilin ka luajtur tek Dinamo Kiev, Vida shihet teksa thotë: “Lavdi Ukrainës”.
Fraza është përdorur nga nacionalistët ukrainas anti-rusë, me Vukojevic, i cili shton: “Kjo fitore është për Dynamon dhe Ukrainën”.
Kodi disiplinor i FIFA-s ndalon slogane politike të çdo formë dhe për këdo që provokon gjatë një ndeshjeje do ndëshkohet me dy ndeshje.
“Ne mund të konfirmojmë që komiteti disiplinor i FIFA-s ka dërguar një paralajmërim tek lojtari Domagoj Vida për shkak të deklaratës së tij në video pas ndeshjes së Kupës Botërore në 2018 ndërmjet Rusisë dhe Kroacisë”,-thuhet në një deklaratë të FIFA-s.
