Ish-mbrojtësi i djathtë i Arsenal, Emmanuel Eboue u arrestua ditën e shtunë nga policia britanike. Eboue, që ka luajtur me “topçinjtë” nga viti 2005 deri në vitin 2011, u morr në pyetje nga “Metropolitan Police”, si fajtor në zjarrvënjen në “Enfield”.
“Në lidhje me zjarrin që ra në Enfield, më 30 qershor, policia ka marrë në pyetje një person që dyshohet të ketë qenë fajtori,” – lexohej në komunikatën zyrtare, teksa më vonë u mësua se ai person ishte Eboue.
Prej dy vitesh, Eboue e ka mbyllur karrierën e tij dhe muaj më parë në një intervistë për një televizon francez konfirmoi problemet financiare dhe familjare duke hedhur edhe hipotezën e vetëvrasjes.
