Kupa e Botës 2018 në Rusi është keqardhje për Italinë, e cila nuk mori dot pjesë në të. Sidoqoftë, trajneri i ri, Roberto Mancini, do të përpiqet ta sjellë atë përsëri në krye, duke filluar nga Kampionati Europian i ardhshëm. Trajneri i axurrëve u përqëndrua edhe në të ardhmen e Mario Balotellit. Duke folur për mikrofonat e “Mediaset”, Mancini analizoi turneun aktual në tokën ruse:
“Shumë më thonë se, duke pasur parasysh ekipet që janë në Botëror, do të kishim bërë një përshtypje të mirë. Edhe unë mendoj kështu, si shumica e ekspertëve. Dështimi për t’u kualifikuar ishte shkatërrues për ne. Lojtarët, megjithatë, janë të rinj dhe do të rriten. Ne do të përpiqemi për të bërë mirë dhe për t’u kualifikuar në Kampionatin Europian të radhës”.
Mario Balotelli ka gjetur ekipin kombëtar dhe madje mund të rifitojë Seria A. Roberto Mancini ndalet në këtë pikë: “Ai është rikthyer tek Italia, këtë mund ta konfirmoj”. Kane apo Falcao, cilin sulmues do të preferonte Mancini? “Unë preferoj anglezin”, – përgjigjet ai. Dy fjalë edhe për “Topin e Artë”: “Shumë do të varet nga ai që fiton Kupën e Botës”.
