Izair Emini është një nga futbollistët më të mirë të Shkëndije. Goli i shënuar në raundin e parë eliminator të Champions League ndaj New Saints e ka kthyer në një legjendë të kuqezinjve.
Sulmuesi ka drejtuar ekipin tetovar në periudhën më të suksesshme të tij duke fituar titullin kampion të Maqedonisë. Goli i tij që hapi sfidën 5-0 me uellsianët do të mbahet mend si goli i parë në kompeticionin e Champions League.
Në një intevistë për faqen zyrtare të klubit, Emini ndihet krenar për golin e shënuar dhe fitoren spektakolare.
“Po, normalisht te jesh protagonist, të jesh pjesë e historisë së Shkëndijes ,të shënosh golin e parë në Champions League është një kënaqësi e veccantë dhe besoj do mbetem në arkivën e Shkëndijes.Është një kënaqësi e papërshkueshme. Bëmë një ndjeshje perfekte. Jemi të gjithë të kënaqur si staf, klubi dhe tifozët “, deklaron ish-sulmuesi i Kukësit.
