Cristiano Ronaldo është një lojtar i Juventus tashmë. Bardhezinjtë, mes 117 milionë eurove të paguara për kartonin e tij dhe 30 milionë eurove (60 bashkë me taksa) në sezon për lojtarin për katër vite, do të shpenzojë rreth 391 milionë euro në total.
Një shumë kjo që kampionët e Italisë në fuqi mund të rikuperojnë nëse shesin 2.600.000 fanella të yllit portugez. Për të mbajtur një ritëm të tillë në katër vitet e ardhshme, Juventus duhet të shesë 652.000 fanella në vit, më shumë se 54.000 në muaj, mbi 12.500 në javë , 1.784 në ditë, 74 në orë, 1 çdo 48 sekonda.
Nëse ritmi i çmendur i shitjeve, që është verifikuar në këto ditë, do të vazhdojë edhe për katër vitet e ardhshme, klubi bardhezi mund ta mbulojë shpenzimin e bërë për operacionin e shekullit vetëm me fanellat e Cristiano Ronaldo.
