Pavarësisht situatës aktuale të krijuar në kampin korçar, ku shumë prej titullarëve kanë vendosur të largohen, ka edhe lajme pozitive në merkato. Edhe në një situatë të tillë, objektivi i Skënderbeut është që të qëndrojë në vendet e sipërme të renditjes dhe për këtë, fokus i klubit janë edhe afrimet.
Burime të sigurta pranë klubit bëjnë me dije se ndryshe nga Gavazaj dhe Aliti, Dejvi Bregu pasi të mbyllë huazimin në Gjirokastër, te Luftëtari do të jetë lojtar i Skënderbeut për të gjithë sezonin. Një gjë e tillë është e konfirmuar nga burime pranë presidentit dhe Bregu, së bashku me Oto Xhon, do të formojë repartin e avancuar të ekipit bardhekuq.
