Kualifikimi në çerekfinalet e Kupës së Botës “Rusi 2018” duket se i ka sjellë fat trajnerit të kombëtares angleze Gareth Southgate, që është shumë pranë rinovimit të kontratës. Sipas “Telegraph”, drejtuesit e Federatës Angleze të Futbollit janë gati t’ia besojnë skuadrën trajnerit aktual deri në vitin 2022. Anglia arriti një kualifikim historik ndaj Kolumbisë në fazën e 1/8 të Botërorit “Rusi 2018”, pas fitores me penallti ndaj Suedisë, gjë që nuk ndodhte prej 10 vitesh.
Kontrata aktuale e trajneri Gareth Southgate me Federatën Angleze të Futbollit skadon në vitin 2020, pas Europianit, por gjasat janë që ajo të shtyhet edhe për dy vite të tjera, deri në 2022-shin. Vendimtare për Anglinë dhe trajnerin e saj do të jetë Europiani i ardhshëm, pasi nëse arrin ta kualifikojë kombëtaren në fazën finale, atëherë do të vijë edhe shtyrja e kontratës për dy vite të tjera. Anglia është pretendente edhe për fitimin e Botërorit “Rusi 2018”.