Cristiano Ronaldo besohet se ka nënshkruar tashmë me Juventus-in. Sipas Luciano Moggi, ish-drejtuesi i bardhezinjve, ylli portugez ka zhvilluar vizitat mjekësore me kampionët e Italisë.
“Mendoj se ai ka nënshkruar dhe ka kaluar vizitat mjekësore me Juventus-in në Mynih”, ka thënë Moggi. “Kjo është ajo që mendoj pasi kam folur me njerëz të rëndësishëm”.
33-vjeçari ka realizuar 44 gola në 44 ndeshje të luajtura me Real Madrid sezonin e kaluar dhe mbetet, bashkë me rivalin e tij Leo Messi, një nga yjet më të shndritshëm të futbollit.
Por duket se aventura e tij 9-vjeçare në “Bernabeu” është drejt fundit. Ai ka shënuar 450 gola në 438 ndeshje të luajtura me gjigantët spanjoll që nga koha e transferimit të tij atje nga Manchester United për 90 milionë euro në 2009-ën.
Por kush do ta marrë vendin e tij? Më poshtë janë renditur pesë emrat që Real mund të vërë në shënjestër nëse CR7 largohet.
1 – Eden Hazard
Ylli i Belgjikës po zhvillon një Botëror shumë të mirë dhe duke parë se Chelsea do të luajë në Europa League sezonin e ardhshëm, ai mund të vendosë t’i japë fund karrierës së tij në “Stamford Bridge”.
2 – Antoine Griezmann
Ronaldo ka luajtur si qendërsulmues novitet e fundit, për këtë arsye francezi do të ishte një zëvendësues perfekt. Nëse Real telefonon, ai mund të detyrohet të rishikojë të ardhmen e tij tek Atletico.
3 – Nëse Real po kërkon një lojtar që mund të barazojë famën e Ronaldo-s, Neymar është zgjedhja më e mirë. PSG duhet të përballet me Fair Play-in Financiar, kështu që…
4 – Leroy Sane
Nuk është zgjedhja më e natyrshme, por 22-vjeçari ka qenë një nga më të mirë për kampionët e Anglisë sezonin e kaluar dhe një ofertë nga kampionët e Europës në fuqi do të ishte e parezistueshme.
5 – Kylian Mbappe
Siç u tha në rastin e Neymar, kampionët e Francës duhet të gjejnë fonde për të shmangur sanksione të mundshme nga UEFA, Mbappe, lojtari më i mirë Under 21 në botë, mund të dalë në shitje…
