West Ham ka zyrtarizuar blerjen e mesfushorit të Arsenal, Jack Wilshere.
Mesfushori ka firmosur një kontratë trevjeçare në London Stadium, duke u bërë kështu blerja e katërt e trajnerit të ri Manuel Pellegrini pas Ryan Fredericks, Issa Diop dhe Lukasz Fabianski.
26-vjeçari, i cili është lënë jashtë skuadrës së Southgate për Kupën e Botës, është larguar nga Arsenal pas 17 viteve.
Një tifoz i West Ham kur ishte fëmijë, Wilshere është përfolur për një kalim te klubi që në verën e kaluar, por në përfundim u huazua te Bournemouth.
“Ndihem mirë, diçka e veçantë,” shprehet lojtari.
“Njerëzit do t’i kenë parë fotot e mia me fanellën e West Ham kur kam qenë fëmijë. Gjithashtu familja ime dhe disa miqtë e mi janë tifozë të West Ham, kështu që të gjithë e kanë pritur mirë këtë transferim.”
