Atleti shqiptar Izmir Smajlaj përfundon sot aktivitetin e tij në Kampionatin Europian të Atletikës që po mbahet në Berlin të Gjermanisë që përfundon në datën 12 gusht. 25-vjeçari është kualifikuar në finale e kërcimit së gjati ku do të kërkojë të mbrojtë medaljen e artë të fituar nëj vit më parë në Beograd. Gjatë fazës paraprake ai regjistroi provën 7m e 71cm e cila e lejoi të kualifikohej direkt në finalen e sotme.
Atleti shkodran ka dhënë lajmin se kanali RTSH Sport do të transmetojë finalen.“Sot mund të më ndiqni live në finalën e ‘Kampionatit Europian ne Berlin’ në RTSH Sport, ora 19.40.
Shpresoj të kem vemendjen e mbeshtetjen tuaj, dhe të arrij më të mirën e mundshme! Ju faleminderit!”
