Një nga lojtarët më të lumtur te Real Madridi pas largimit të Cristiano Ronaldos këtë vit duket se është spanjolli Isco. Futbollisti shihet nga të gjithë si lideri i të ardhmes të Realit, dhe tani ai do të ketë mundësinë të marrë më shumë përgjegjësi në fushën e lojës për të vërtetuar këtë status.
Por lojtari është i lumtur edhe për një arsye tjetër. Nga ky sezon, Isco do të gjuajë më shumë goditje dënimi, të cilat zakonisht i ekzekutonte Ronaldo. Këtë nuk ka ngurruar ta shprehë vetë futbollisti në një video ku shfaqet ai duke luajtur videolojra futbolli me Carvahal, Majoral e Markos Jorente.
“Këtë vit do të mund të ekzekutoj goditjet e dënimit”, dëgjohen fjalët e mesfushorit, me shokët e tij që fillojnë të qeshin sapo dëgjojnë këtë koment të Iscos.
