Menaxhimi i Barcelonës ka plane të mëdha për të ardhmen, pasi kërkon që të bëjë blerje të rëndësishme në mesfushë. Të premten mbyllet afati kalimtar në Spanjë, ndërsa gazeta Sport shkruan se klubi ka përcjellë tre lojtarë, por me gjasë asnjëri nuk do të ofrohet.
Barca po vazhdon bisedimet me tre mesfushorë të klasit të lartë për sezonin e ardhshëm, nëse jo në janar, në verë.Ylli i Manchester United, Paul Pogba, mbetet i pari në listë, ose blerja e madhe e planifikuar e Barcelonës. Pastaj vijnë kampioni i Ajaxit, Frenkie de Jong dhe ai i PSG –së, Adrien Rabiot.
Barcelona po punon fuqishëm për francezin që ta sjell sa më shpejt në Camp Nou. Rabiot, duket blerja më e lehtë nga të tre, pasi mbetet pa kontratë në fund të sezonit. Lojtarët kanë dhënë dritën e gjelbër për t’u bashkuar, tani mbetet që Barcelona t;i mbyll me sukses bisedimet.
