Barcelona dhe Sevilla kanë mbyllur operacionin e transferimit të mbrojtësit Aleix Vidal. Pas disa ditë bisedimesh dhe duke pritur për disa rezultate nga klubi katalanas, Barça dhe Sevilla kanë arritur një marrëveshje, që do të mbyllet me 8, ose 9 milionë euro fikse, plus 2 milionë euro në formë variablash.
Një operacion, i cili është zgjeruar, për shkak të faktit që të gjitha palët ishin shumë të interesuara për mbylljen e tij, por që nuk ishte arritur një marrëveshje për shkak të çështjeve ekonomike. Barcelona donte ta shiste Aleix Vidal, Sevilla donte ta huazonte, ndërsa vetë mbrojtësi donte të kthehej në kryeqytetin andaluzian.
Transferimi i Correa te Lazio ka qenë, gjithashtu, vendimtar për përshpejtimin e negociatave. Arritja e kësaj marrëveshje bën që Aleix Vidal të kthehet në ditët e ardhshme, pas turit të Barçës në SHBA, për t’u bashkuar me skuadrën e Sevilla.