Pepe Reina ka 15 ditë që ka nisur punën me AC Milan, por duke qenë se ishte në SHBA, bashkë me ekipin, vetëm sot është prezantuar para gazetarëve.
36-vjeçari spanjoll deklaroi: “Milan është një nga skuadrat më të mëdha, ku çdo fëmijë ëndërron të luajë. Kundër këtij ekipi kam humbur një finale të Champions Leaugue dhe jam i lumtur që do të punoj me disa prej atyre që ishin në fushë atë ditë si Gattuso dhe Maldini. Objektivi? Rikthimi në Champions League.”
I pashmangshëm është krahasimi me Gigio Donnarumma, që të paktën në letër niset si portieri titullar i Milan: “Unë do të përpiqem ta vë në vështirësi trajnerin. Do të stërvitem mirë dhe do të tregoj të gjitha vlerat e mia. Jam shumë i motivuar dhe të shohim se cili do të jetë titullari.”
