Stefano Sturaro ka zbarkuar në Lizbonë, aty ku do të nënshkruajë kontratën me Sporting, e ka marrë në huazim, pasi ka paguar 2 milionë euro në kasën bardhezi. Mesfushori i Juventus ka pranuar ofertën nga skuadra e kampionatit portugez, i ndikuar edhe nga fjalët e Cristiano Ronaldos, që i ka folur mirë për klubin bardhjeshil, sikurse dhe për kampionatin portugez.
Me mbërritjen e tij në aeroport, Sturaro nuk ka dhënë deklarata të gjata, por vetëm sa ka konfirmuar se është i lumtur dhe është shmangur kur është pyetur në lidhje me rolin e CR7 në këtë tratativë. Tashmë Stefano Sturaro do t’i nënshtrohet vizitave mjekësore, përpara zyrtarizimit si futbollist i ri i Sporting, aty ku shumë shpejt mund të bashkohet me një tjetër italian, trajnerin Claudio Ranieri.
