Chelsea dhe Lyon do të mbyllin International Champions Cup me ndeshjen që do të zhvillohet mes tyre mbrëmjen e së martës në “Stamford Bridge”.
Trajneri i londinezëve, Maurzio Sarri, ka marrë humbjen e tij të parë në një ndeshje zyrtare në drejtim të “Bluve”, në Superkupën e Anglisë të fituar 2-0 nga Manchester City, të dielën. Për shkak të atij takimi, pritet që ish-trajneri i Napoli-t të përdorë një rotacion gjerë për sfidën ndaj francezëve.
Edhe Lyon pritet të bëjë të njëjtën gjë, duke parë se në fundjavë do të rikthehet Ligue 1. Kjo do të jetë përballja e parë mes këtyre dy skuadrave, që nuk pritet të dhurojë shumë gola. Në fakt, në nëntë nga dhjetë ndeshjet e fundit të Chellsea-it, janë shënuar më pak se tre gola për takim.
Mesatarja e golave në katër takimet që “Blutë” kanë luajtur nën drejtimin e Sarri-t, ka qenë 1.75 për ndeshje. Vetë londinezët kanë shënuar 0.75 gola për ndeshje nën drejtimin e italianit. Ndërkohë, Lyon nuk ka barazuar asnjë nga tri ndeshjet e fundit.
