Kampionati belg ka nisur prej dy javësh tashmë, dhe që në fillim ka rezervuar derbin e shqiptarëve që aktivizohen atje. Ditën e sotme do të ndeshen me njëra-tjetrën pikërisht Anderlehti dhe Ostende, ku aktivizohen respektivisht edhe Kristal Abazaj dhe Sidrit Guri.
Ish-sulmuesi i Kukësit do ta nis ndeshjen që nga minuta e parë, ndërkohë që për fat të keq, Abazaj e ka humbur shancin për të qenë pjesë e këtij takimi. Ish-lojtari i Luftëtarit pësoi një dëmtim pak kohë më parë, dhe nuk ka arritur të riaftësohet në kohë as për këtë sfidë, ndërkohë që ai mungoi edhe një javë më parë në ndeshjen hapëse të kampionatit.
