Beppe Marotta, drejtori i përgjithshëm i Juventus, ka folur për “Sky Sport” para sfidës së bardhezinjve kundër Chievo-s, e fituar 3-2 nga kampionët në fuqi të Italisë.
“Ronaldo? Për të qenë kampionë nuk mjafton të jesh vetëm profesionist, por edhe të kesh cilësi si njeri. Ai është një prototip i ekselencës, jo vetëm që do të argëtojë njerëzit, por do ta ndihmojë shumë futbollin italian”, ka thënë Marotta.
Në lidhje me rivalët: “Si i shikoj rivalët? Inter ka patur një rritje graduale në këto dy/tre vite, me operacione të zgjuara si De Vrij. Nuk them se janë anti-Juventus, por shikoj Inter-in dhe Juventus mes të parave në renditje”.
