Pas vështirësive për të transferuar mbrojtësin belg të Tottenhamit, Toby Alderwiereld, Manchester United ka përqendruar vëmendjen totale në një tjetër objektiv për qendrën e mbrojtjes.
Bëhet fjalë për mbrojtësin kolumbian të Barcelonës, Jerry Mina, me të cilin “djajtë e kuq” kanë arritur plotësisht akordin për transferim, sipas mediave angleze.
Tashmë mbetet që drejtuesit e Manchesterit të negociojnë çmimin me Barcelonën, që kërkon rreth 40 milionë euro për kartonin e tij, ndonëse e blenë vetëm 10 milionë në janar nga Palmeirasi, ndërsa anglezët ofrojnë vetëm 30 për momentin.
Jerry Mina nuk arriti të bindë në Katalunjë, ku luajti në vetëm 5 ndeshje gjatë fazës së dytë, por në “Rusi 2018” bëri një paraqitje dinjitoze, duke tërhequr vëmendjen e shumë klubeve.